د زرغونو سیمو او تفریحي ځایونو د پراختیا په موخه، د کابل ښاروالۍ د زرغونتیا ریاست له لوري د څلورمې ناحیې اړوند په ناصر خسرو پارک کې د مرسل (۱۵۰۰) زینتي ګلان کېنول شول. د زرغونتیا د رئیس مولوي عبدالوکیل متوکل په وینا؛ په دې پارک کې له ګلانو سربېره، زرګونه ډول ډول نیالګي کېنول شوي چې، په دوامداره توګه به یې ساتنه او پالنه هم وشي. نوموړي زیاته کړه، د زرغونتیا ریاست په هڅو د دې پارک ونو او چمن ښه وده کړې او په راتلونکې کې به یې زرغونې سیمې لا پراختیا ومومي