د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د پنځمې ناحیې اړوند د ۱۲م ګذر په کاشف سیمه کې د (۶) کوڅو د جوړولو چارې روانې دي. دغه کوڅې چې په ټولیزه توګه (۹۰۴) متره اوږدوالی او له (۳ څخه تر۶) مترو پورې سور لري، د لښتیو په ګډون به یې چارې د نږدې دوه میاشتو په موده کې بشپړې او ورسره جوخت به د یادې سیمې د اوسېدونکو ښاري او چاپېریالي ستونزې حل او ګڼ شمېر آسانتیاوو ته به لاس رسی ومومي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده