د دوه ويشتمې ناحيې اړوند د۹م ګذر په قلعه محسن سيمه کې د فرعي سړک د جوړولو چارې چې، څه موده وړاندې پيل شوې وې روانې دي. د کابل ښاروالۍ دبرنامو او پروژو د تنظیم ریاست د معلوماتو پر بنست؛ دغه فرعي سړک چې، (۵۳۰)متره اوږدوالی او(۶) متره سور لري، د لښتیو په ګډون یې تر دې دمه (۲۰) سلنه چارې مخته تللې دي او تر راتلونکې یوې میاشتې پورې به په بنسټیزه توګه بشپړې شي. دا پروژه د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته د کاري فرصتونو د رامنځته کولو او له ښاري آسانتیاوو څخه د محرومو سیمو د اوسېدونکو د ستونزو د حل په موخه، پلې کېږي