د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د ٢٢مې ناحيې اړوند د۴م ګذر د قلعه رهباز په سيمه کې د (٧٠٠) مترو په اوږدوالي او د (٤،٣) مترو په سور د یوې کوڅې د جوړولو چارې روانې دي. د کابل ښاروالۍ د برنامو او پروژو د تنظیم ریاست د مسئولینو په وینا، د کوڅې جوړولو دغه پروژه چې، د لښتي جوړول هم پکې شامل دي، تر دې دمه (۳۰) سلنه مخته تللې او د کابو دوو میاشتو په موده کې به په اساسي ډول بشپړه شي. د دغې پروژې له لارې له یوې خوا یو شمېر هېوادوالو ته د کار زمینه برابره شوې او له بلې خوا به یې په بشپړېدو سره د سیمې د اوسېدونکو پر وړاندې شته موسمي ستونزې هوارې شي