د ښاري ښکلا رامنځته کولو او د ښاري سیمو د زرغونتیا په موخه، د کابل ښاروالۍ له خوا د اتمې ناحیې اړوند د منار نجات سیمې څخه د شاه شهید سړک په لوري د سړک منځ ګلدان د رغولو چارې د یو شمېر ښاریانو په مرسته پیل شوې. د اتمې ناحیې رئیس مفتي روح الله عثماني په دې اړه وويل: پخوا يو شمېر ګرځنده پلورونکو په خپلو ناقانونه کړنو سره د دې ګلدان ښکلا له منځه وړې وه. ښاغلي عثماني زیاته کړه: د ښاري نظم د ټینګښت او د زرغونو سیمو د پراختیا په موخه هڅې روانې دي، تر څو ښاري ښکلا رامنځته او د ټولو ښاریانو لپآره د هوساینې زمینه برابره شي. د دغه ګلدان د زرغونتیا او ښکلا ، او د ترافیکي بهیر د تنظیم په موخه، د ډول ډول نیالګیو او زینتي ګلانو له کېنولو سربیره ، کټارې هم جوړې او نصب کېږي