د ښاري سیمو د ښکلا او زرغونتیا په موخه، د کابل ښاروالۍ له لوري د شپږمې ناحیې اړوند د عدلیې وزارت له مخې څخه د دارالامان تر افشار پورې سړک د ګلدانونو د زرغونتیا چارې روانې دي. دغه سړک په ټوله کې (۲۱۸۶) متره اوږدوالی او (۴۵) متره سور لري، چې منځنی ګلدان یې (۱۷) متره او د سړک غاړې ګلدان یې (۳) متره سور لري او په بنستیزه توګه به زرغون شي. اوس مهال په یادو ګلدانونو کې د ناجو (۲۲۰۰) نیالګیو د کېنولو چارې روانې دي او په راتلونکې کې به د مرسل ګلانو او نورو زینتي بوټو د کېنولو په اړه هم اقدام وشي