د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د اوولسمې ناحیې اړوند ۵۰م ګذر د سولې په ښارګوټي کې د دوو فرعي سړکونو د کانکرېټ چارې روانې دي او په پام کې ده چې تر راتلونکې یوې میاشتې پورې به بشپړې شي. د پروژو او برنامو د تنظیم ریاست د معلوماتو پر بنسټ؛ دغه فرعي سړکونو په ټولیزه توګه (۵۷۰) متره اوږدوالی او (۶) متره سور لري چې، د لښتیو او کوچنیو پلونو په ګډون به جوړ او ورسره جوخت به د سیمې اوسېدونکو پر وړاندې شته ستونزې حل او ترانسپورتي آسانتیاوې به ورته رامنځته شي. د یادونې وړ ده چې، د دغې پروژې له لارې یوشمېر ښاریانو ته د کار زمینه هم برابره شوې ده