د کابل ښاروالۍ له لوري د پنځمې ناحیې اړوند د قمبرڅلورلارې له بلاکونو څخه تر څلوېښت متره سړک پورې د قرغې سړک د جوړولو او پراختیا چارې پیل شوې. د کابل ښاروالۍ د ښاري زیربناوو ریاست د معلوماتو پر بنسټ: د قرغې سړک د پراختیا او جوړولو چارې ۵۶۰ متره اوږدوالی لري چې، یوې خوا ته يې ۱۸ او بلې خوا ته ۱۲ متره سور لري او د لښتیو، پلو لارو، ګلدانونو او د یوه معیاري سړک د نورو برخو په ګډون به روان کال جوړ شي. د یادونې وړ ده چې، د دې سړک په جوړېدو سره به کمپنۍ سیمې ته د شمال- لودېځ په نښلوونکي سړک راتلونکي په اسانۍ سره ولاړ شي او ترڅنګ به یې په ترافیکي ګڼه ګوڼه کې د پام وړ کموالی راشي