د ښار د معیاري ودې او د ترانسپورتي آسانتیاوو رامنځته کولو په موخه، د نهمې ناحیې اړوند د هوايي ډګر له څلورلارې څخه تر ګمرک سیمې ( کابل- جلال آباد سړک) پورې د (۲۷۹۴) مترو په اوږدوالي او (۶۰) مترو په سور سره د نوي نښلوونکي سړک د جوړولو چارې روانې دي. دغه مهم نښلوونکی سړک چې، په دوه اصلي او دوه فرعي لیکو کې د یوه معیاري سړک د ټولو برخو په ګډون د جوړېدو په حال کې دی، چارې به یې په (۲۰) میاشتو کې بشپړې شي. یاد سړک د اقتصادي دهلیز یوه برخه ده چې، هوايي ډګر ته د ترانزیت د نښلولو سربېره به، ختیځ ولایتونه د کابل ښار له مرکزي برخو سره ونښلوي