ښاریانو ته د ترانسپورتي او ټولنیزو آسانتیاوو رامنځته کولوپه موخه، د اوومې ناحیې اړوند ۲۱م ګذر د چهلستون په سیمه کې د (۸۳۰) مترو په اوږدوالي او له (۳ څخه تر۶)مترو پورې سور سره د یوه فرعي سړک د جوړولو چارې د کابل ښاروالۍ له خوا او د ملګرو ملتونو د پروژوي دفتر په مرسته روانې دي. د اوومې ناحیې رئیس مولوي عبدالغفور غفوري په دې هکله وویل: له دې وړاندې د دغه فرعي سړک د خرابوالي له امله د سیمې اوسیدونکي له ګڼو ستونزو سره مخ وو چې اوس د دوی ستونزو ته پاملرنه شوې ده. نوموړي زياته کړه: د يادې سيمې اوسيدونکي به د دغې پروژې په پلي کولو کې له کابل ښاروالۍ سره مرسته وکړي. د يادونې وړ ده، چې د دې پروژې چارې (۵۰) سلنه مخته تللې او په راتلونکې يوه مياشت کې به بشپړې شي