د دولسمې ناحیې مسئولینو د یادې ناحیې اړوند د دوه سیمو د زرغونتیا په اړه چې، مخکې د کثافاتو په غونډ ځایونو بدلې شوې وې، اقدام کړی دی. د دوولسمې ناحیې د مسئولینو په وینا؛ دغه زرغونې سیمې چې، شاوخوا (۸) جریبه مساحت لري، د احمدشاه بابا مېنې ۶م او ۱۰م بلاک ته څېرمه پرتې دي. په دغو سیمو کې د زرغونتیا رياست له خوا د يو شمېر خصوصي سکتور او د سيمې د اوسېدونکو په مرسته نږدې درې زره مېوه لرونکي او غير ميوه لرونکي نيالګي کېنول شوي دي او شاوخوا یې د جال او له وسپنې څخه جوړ شوی دیوال په جوړولو سره خوندي شوې ده. کابل ښاروالي ژمنتیا لري ترڅو د ماستر پلان له مخې د ښار د ښکلا او زرغونتیا په اړه اقدام وکړي. د یادونې وړ ده چې، په میوه لرونکو نیالګیو کې د سنځلې، املوک، ناک، مڼې، بهي او آلوچې او په غیر میوه لرونکو نیالګیو کې د مورپان، ناحو، شمشاد، دیواربید او مرسل ګلان شامل دي