د کابل ښاروالۍ د کار، ساتنې او مراقبت ریاست له لوري له بنایي سیمې څخه د احمدشاه بابا مېنې پر لور د قلعه زمان خان شپېته متره سړک د دوو اصلي لیکو درېیمه طبقه قیر چارې پیل او ټاکل شوې ده چې، د (۲۰) ورځو په موده کې به بشپړې شي. د غه سړک چې، (۴۲۵۰) متره اوږدوالی لري په دوو اصلي او دوو فرعي لیکو کې د یوه معیاري سړک د ټولو برخو په ګډون جوړ شوی او د اصلي لیکو د قیر چارو سربېره یې اوس مهال د فرعي لیکو د پاتې برخو د جوړولو چارې هم روانې دي. د دې سړک په بشپړیدو سره به چې، د کابل ختیځ ته اقتصادي دهلیز بلل کیږي، د مکروریانونو په څلورلارې، کارته نو سړک او نورو ور څېرمه سړکونو کې ترافيکي ګڼه ګوڼه کمښت ومومي