د ښاریانو ستونزو ته د رسېدو په موخه، د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د دیارلسمې ناحیې د ۳۶م ګذر اړوند په ګلستان معرفت سیمه کې د دوه کوڅو د جوړولو چارې پیل شوې. د کابل ښاروالۍ د پروژو او برنامو د تنظیم ریاست د مسئولینو په وینا؛ دغه کوڅې چې په ټولیزه توګه (۱۰۵۶) متره اوږدوالی او (۳،۵) متره سور لري، چارې به یې کابو د(۳) میاشتو په موده کې بشپړې او ورسره جوخت به د سیمې د اوسېدونکو پر وړاندې شته ستونزې حل او ټولنیزې آسانتیاوې به ورته رامنځته شي. د یادولو وړ ده چې، د دغې پروژې له لارې یو شمېر هېوادوالو ته د کار زمینه هم برابره شوې ده.