ښاریانو ته د ټولنیزو او ښاري آسانتیاوو رامنځته کولو په موخه، د اوومې ناحیې په ۳۷م ګذر پورې اړوند د ریشخور په فامیلیو سیمه کې د (۸۶۶) مترو په اوږدوالي او (۶) مترو په سور سره له تیږو څخه د یوه سړک د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ په دې پروژه کې لښتي، کوچني پلونه او د (۳۰۳)متر مکعب په اندازه استنادي دیوالونه شامل دي چې، تر دې دمه یې (۷۵) سلنه چارې مخته تللې دي او ټاکل شوې ده تر راتلونکې یوې میاشتې پورې بشپړې شي. د یادونې وړ ده چې، دغه پروژه د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته پلې کیږي