د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د پنځمې ناحیې اړوند ۳۶م ګذر د خلفای راشدین جومات په سیمه کې د یوه سړک او (۴) کوڅو د جوړولو چارې روانې دي. د برنامو او پروژو د تنظیم ریاست د معلوماتو پر بنسټ؛ دغه پروژه په ټولیزه توګه (۹۶۰) متره اوږدوالی او له(۳ څخه تر۷) مترو پورې سور لري چې، د لښتیو په ګډون یې تر دې دمه (۴۰) سلنه چارې مخته تللې دي. د دې پروژې په بشپړېدو سره به د سیمې اوسېدونکو ته ګڼ شمېر ښاري او ټولنیزې آسانتیاوې رامنځته شي. د یادونې وړ ده چې، د دغې پروژې له لارې یو شمېر هېوادوالو ته د کار زمینه هم برابره شوې ده