ښاریانو ته د ترانسپورتي او ښاري آسانتیاوو رامنځته کولو په موخه، د اوومې ناحیې اړوند د ۴۰ م ګذر د کوچیانو په دره کې د یوه فرعي سړک د جوړولو چارې روانې دي. د اوومې ناحیې د رئیس مولوي عبدالغفور غفوري په وینا؛ دا سړک چې په ټولیزه توګه (۵۰۰) متره اوږدوالی او (۵) متره سور لري، د لښتیو او کوچینو پلونو په ګډون به یې چارې د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، تر راتلونکې یوې میاشتې پورې بشپړې شي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده