د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د شپاړلسمې ناحیې اړوند د قلعه زمان خان شپږم ګذر د ده خدایداد په سیمه کې د (۴۴۰) مترو په اوږدوالي او (۴) مترو په سور سره د دوو کوڅو کانکرېټ چارې روانې دي. د کابل ښاروالۍ دبرنامو او پروژو د تنظیم ریاست د معلوماتو پر بنسټ؛ په دغه پروژه کې د لښتیو او د (۲۶)مترو په اوږدوالي د یوه استنادي دېوال جوړول هم شامل دې چې، تر دې دمه یې (۸۰) سلنه چارې مخته تللې دي او د کابو یوې میاشتې په موده کې به بشپړې او ورسره جوخت به د سیمې اوسېدونکو پر وړاندې شته ستونزې حل او ټولنیزو آسانتیاوې به ورته رامنځته شي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده