د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د دوه ویشتمې ناحیې اړوند د ۹م ګذر په قلعه محسن سیمه کې د سړک کانکرېټ چارې روانې دي. دغه سړک چې (۵۳۰) متره اوږدوالی او (۷) متره سور لري، د لښتیو په ګډون به یې چارې ډیر ژر بشپړې او ورسره جوخت به د سیمې د اوسېدونکو ګڼ شمېر ستونزې حل او سیمه ییزې آسانتیاوې به ورته رامنځته شي. د کابل ښاروالۍ انجنیران د یادې پروژې د کار له کیفیت څخه په دوامداره توګه تخنیکي او فني څارنې کوي ترڅو یې چارې پر وخت بشپړې شي. د یادونې وړ ده چې، په دې پروژه کې یو شمېر ښاریانو ته د کار زمینه هم برابره شوې ده