کابل ښاروالۍ خپلې اړوند د نویو سړکونو د جوړولو پروژې د ښار جوړونې د معیارونو پر بنسټ ډیزاین او پلي کوي چې، څه موده وړاندې د کار، ساتنې او مراقبت ریاست په دې وتوانېد ترڅو د پنځمې ناحیې اړوند له قلعه وزیر څخه د خوشحال خان مېنې تر (۴۰ )متره پورې د نوي نښلوونکي سړک د جوړېدو چارې په معیاري ډول ترسره کړي. دغه سړک چې،(۱۰۸۴) متره اوږدوالی او (۳۰) متره سور لري، د لښتیو، پلو لارو، ګلدانونوو د بایسکل چلولو لیکو، د څراغونو او ترافیکي نښو دنصبولو په ګډون جوړ شوی چې، له یوې خوا ترافیکي ګڼه ګوڼه کمه شوې او بل خوا د ور څېرمه سیمو ښکلا هم ډېره شوې ده. د یادونې وړ ده چې، د کابل ښار په بېلابېلو ناحیو کې همدا اوس د سړک جوړونې د بېلابېلو پروژو چارې روانې دي ترڅو ښاریانو ته ټولنیزې او ښاري آسانتیاوې رامنځته او د ښار اقتصادي ودې ته زمینه برابره شي