د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د شلمې ناحیې د لومړۍ ګذر اړوند په چرخ آب سیمه کې د (۶۰۰ ) مترو په اوږدوالي او له (۳،۵ څخه تر۵،۴) مترو په سور سره د سړک جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ، د یاد سړک په اوږدو کې د لښتیو او استنادي دیوالونو جوړول هم شامل دي، چې د دوو میاشتو په موده کې به یې چارې په اساسي ډول بشپړې شي. د دغه سړک په جوړېدو سره به د يادې سيمې د اوسېدونکو پر وړاندې شته موسمې ستونزې هوارې او دوی ته به ترانسپورتي او ټولنيزې اسانتياوې رامنځته شي