دشلمې ناحیې اړوند په درېیم ګذر کې د خيراباد او نوآباد سیمو تر منځ د نښلوونکي فرعي سړک د کانکريټ چارې، (٧٥) سلنه پرمخ تللې او ټاکل شوې چې د يوې مياشتې په موده کې بشپړې او ګټې اخيستنې ته وسپارل شي. دغه سړک چې، (۱۱۵۰) متره اوږدوالی او له (۴ څخه تر۵) مترو سور لري، د (۴) مترو په اوږدوالي او د(۱،۵) مترو په سور د یوه پلچک او لښتیو په ګډون، د کابل ښاروالۍ لخوا او د ملګرو ملتونو د پروژوي خدمتونو د دفتر په مرسته، د ښاریانو د ستونزو د هواري په موخه د جوړېدو په حال کې دی