د چاپېریال او هوا له ککړتیا څخه د مخنیوي په موخه د کابل ښاروالۍ د تنظیف ریاست له لوري د لوی اختر په ورځو کې څه باندې ۵۵۷۲ مټریک ټنه کثافات د کابل ښار له دوه ویشت ګونو ناحیو څخه راټول او له ښار څخه د باندې لېږدول شوي دي. د تنظیف ریاست د مسؤلینو په وینا؛ د لوی اختر په ورځو کې له قربانیو څخه د تولید کېدونکو کثافاتو لپاره د ښار په بېلابېلو برخو کې ځانګړې کثافات دانۍ اېښودل شوې وې چې، پر وخت او معیاري توګه له کثافاتو خالي شوې. د ښار پاکي او نظافت یوازې د کابل ښاروالۍ مسئولیت نه دی، بلکې په دې برخه کې ټول ښاریان ایماني او انساني دنده لري