د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د اتمې ناحیې د ۲۶م ګذر په قلعه نعمان سیمه کې د (۷) کوڅو کانکرېټ چارې روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه پروژه چې په ټولیزه توګه (۱۰۱۲) متره اوږدوالی او له (۳ څخه تر۴) مترو پورې سور لري، تر دې دمه یې (۷۰) سلنه چارې مخته تللې دي او تر راتلونکې یوې میاشتې پورې به بشپړې شي. د یادولو وړ ده چې، د دې پروژې له لارې یو شمېر هېوادوالو ته د کار زمینه هم برابره شوې ده