د کابل ښاروالۍ د کار، ساتنې او مراقبت ریاست له لوري د درېیمې او شپږمې ناحیې اړوند د پُل سوخته - پُل سرخ نښلوونکي سړک په اوږدو کې د کابل سیند د پاسه د موټرو دتګ راتګ لپاره د یوه پله د جوړولو چارې روانې دي. دغه پُل چې د کابل ښاروالۍ د زیربناوو ریاست د ډیزاین له مخې په دوه لینونو کې په معیاري توګه جوړیږي، (۳۰) متره اوږدوالی او (۲۰) متره سور لري. ټاکل شوې ده چې دیاد پله د جوړولو چارې به د روان کال په بهیر کې بشپړې او ګټې اخیستنې ته وسپارل شي