د استملاکي ملکیتونو او خنډونو تر پاکولو وروسته، د درېمې ناحیې اړوند له دهمزنګ څخه تر کوټه سنګي( میرویس میدان) پورې د سړک د پراختیا او جوړولو چارې پیل شوې. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه سړک چې (۳۲۲۶) متره اوږدوالی او (۶۰) متره سور لري، په دوه لیکو کې به د یوه معیاري سړک د ټولو برخو په ګډون د روان کال په بهیر کې جوړ شي. کابل ښاروالۍ د ماسټر پلان له مخې د یاد سړک د جوړولو او پراختیا په اړه اقدام کړی ترڅو ښاریانو ته د تګ راتګ په برخه کې آسانتیاوې رامنځته او د ترافیکي بهیر پر وړاندې شته ستونزې له منځه ولاړې شي