ښاریانو ته د ترانسپورټي آسانتیاوو رامنځته کولو په موخه، د دوولسمې ناحیې اړوند د احمدشاه بابا مېنې د دیارلسم، څوارلسم، پنځلسم او شپاړلسم بلاک ترمنځ د نښلوونکي سړک د پاتې برخو قیر چارې روانې دي. د کابل ښاروالۍ د کار، ساتنې او مراقبت ریاست د پلونو او سړکونو د آمر انجنیر محمد داود ځواب په وینا؛ دغه سړک د (۲۸۶۰) مترو په اوږدوالي او (۴۰) مترو په سور سره د یوه معیاري سړک د ټولو برخو په ګډون جوړیږي چې، تر اوسه یې د نږدې دوه کیلو متره برخې قیر چارې ترسره شوې دي او هڅه کیږي چې د پاتې برخې قیرچارې یې هم بشپړې او د ترافیکو پرمخ پرانیستل شي. د یادونې وړ ده چې، ورته مهال د یاد سړک د نورو جزئیاتو د جوړولو چارې هم په چټکۍ سره روانې دي