د کابل ښاروالۍ له لوري د څلورمې او اوولسمې ناحیې اړوند د نادریې لېسې له څلورلارې څخه تر سرای شمالي څلورلارې پورې د (۳۲۸۹) مترو په اوږدوالي او د ( ۲۰ او ۳۰) مترو په سور سره د بادام باغ سړک د جوړولو چارې روانې دي. د یاد سړک په اوږدو کې د ځمکې د کیندلو او خاورې لیږدولو سربېره، د پاتې خنډونو د پاکولو، د برښنا ستنو د تنظیم او لیږد چارې هم روانې دي. دا مهم نښلوونکی سړک د کابل شمال له مرکزي برخو سره نښلوي چې، په جوړېدو سره به یې له یوې خوا د سیمو معیاري اقتصادي ودې ته زمینه برابره او بلې خوا به د سرای شمالي، کارته پروان او ورڅېرمه سیمو په ترافیکي ګڼه ګوڼه کې به د پام وړ کمښت راشي