د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د شپږمې ناحیې اړوند د ۲۴م ګذر په عباس قولي سیمه کې د(۹) کوڅو د جوړولو چارې روانې دي. دغه کوڅې چې په ټولیزه توګه (۹۱۳) متره اوږدوالی او له (۳ څخه تر۵) مترو پورې سور لري، تر دې مهاله یې (۴۰) سلنه چارې مخته تللې دي او ټاکل شوې ده تر راتلونکو دوه میاشتو پورې بشپړې او ګټې اخیستنې ته وسپارل شي. یاده پروژه له ښاري آسانتیاوو څخه د محرومو اوسېدونکو د ستونزو د حل په موخه پلې کېږي چې، یو شمېر هېوادوالو ته د کار زمینه هم پکې برابره شوې ده