ټولنیزو او ښاري آسانتیاوو ته د ښاریانو د لاس رسي په موخه، د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د اتمې ناحیې په ۱۳م کې د اقبال سینما شاته د (۱۵۷) مترو په اوږدوالي او (۱۱) مترو په سور سره د یوه فرعي سړک کانکرېټ چارې روانې دي. د برنامو او پروژو د تنظیم ریاست د معلوماتو پر بنسټ؛ په دغې پروژه کې د سړک دواړو خواوو ته د لښتي او پلې لارې جوړول هم شامل دي چې، تراوسه یې (۸۵) سلنه چارې مخته تللې دي او تر راتلونکې یوې اونۍ پورې به بشپړې او ورسره جوخت به د سیمې اوسېدونکو ته ټولنیزې، ښاري او چاپېریالي اسانتیاوې رامنځته شي. د یادونې وړ ده چې، د دغې پروژې له لارې یو شمېر هېوادوالو ته د کار زمینه هم برابره شوې ده