د ترافیکي او ترانسپورتي نظم د ټینګښت په موخه، د کابل ښاروالۍ له لوري د شپږمې ناحیې اړوند عدلیې وزارت له مخې د دارالامان تر افشار پورې سړک باندې د کرښو اچولو چارې پیل شوې. د کابل ښاروالۍ دبرنامو او پروژو دتنظیم رياست د زيربنايي پروژو آمر انجنير محمد حامد سادات په دې اړه وويل: دغه سړک چې په ټولیزه توګه (۲۱۸۶) متره اوږدوالی او (۴۵) متره سور لري، د یوه معیاري سړک ټولې برخې پکې شاملې دي، او اوس مهال یې د کرښو اچولو چارې پیل شوې او ټاکل شوې ده په نږدې ورځو کې یې د ترافیکي نښو او څراغونو د نصبولو چارې هم پیل شي. نوموړي زیاته کړه چې، دغه کار د ترافیکي نظم د مدیریت په برخه کې له خورا ارزښت څخه برخمن دی. له هېوادوالو په ځانګړې توګه له موټر چلوونکو څخه غوښتنه کیږي چې، په کرښو د موټر له چلولو ډډه وکړي ترڅو له یوې خوا له ترافیکي پېښو څخه مخنیوی وشي او له بلې خوا کرښې ژر پاکې نشي. د دې سړک د چارو په بشپړېدو سره به له یوې خوا ښاریانو ته د تګ راتګ په برخه کې ګڼې آسانتیاوې رامنځته او له بلې خوا به د سیمو اقتصادي ودې ته زمینه برابره شي