د کابل ښاروالۍ له خوا په اوومه ناحیه کې د پډولې پروژې د عمومي سړک د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې، د سړک جوړولو په دې پروژه کې چې، (۶۵۷) متره اوږدوالی او (۳۰) متره سور لري، د پلولارو، لښتیو، د سړک منځ ګلدانونو او یوه معیاري سړک د نورو جزیاتو جوړول هم شامل دي چې د نږدې درې میاشتو په موده کې به په اساسي ډول بشپړه شي. د دې سړک په جوړیدو سره به د پډولې پروژې ښارګوټی اقتصادي وده وکړي او ځایي اوسېدونکي به ترانسپورتي او ټولنیزو آسانتیاوو ته لاس رسی ومومي