ښاریانو ته د ښاري او ترانسپورتي آسانتیاوو رامنځته کولو په موخه، د دوولسمې ناحیې د اووم ګذر اړوند په احمدشاه بابا مېنه کې په ټولیزه توګه د (۶۳۷) مترو په اوږدوالي او له (۶ څخه تر۸ ) مترو په سور سره د دوه فرعي سړکونو د جوړولو چارې (۸۰) سلنه مخته تللې او ټاکل شوې ده تر راتلونکو (۱۵) ورځو پورې بشپړې او ګټې اخیستنې ته وسپارل شي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ په دې پروژه کې د لښتيو او د (۸) مترو په اوږدوالي او د (۲.۶) مترو په سور سره د کوچنيو پلونو جوړول هم شامل دي چې، په بشپړېدو سره به یې ښاریانو ته ګڼ شمېر ټولنیزې او ښاري آسانتیاوې رامنځته شي. د یادونې وړ ده چې، د دې پروژې له لارې یو شمېر هېوادوالو ته دکار زمینه هم برابره شوې ده