ښاریانو ته د تګ راتګ په برخه کې د آسانتیاوو رامنځته کولو او د ترافیکي پېښو د مخنیوي په موخه، د لسمې ناحیې اړوند د هوايي بلاکونو سړک دواړو خواوو ته د (۹۰۱) مترو په اوږدوالي او له (۲.۵ څخه تر ۲.۷) مترو پورې سور سره د پلو لارو جوړولو چارې روانې دي. پلې لارې چې، عامه ملکیت دی او په ټولو ښاریانو پورې اړه لري، د پلولارویانو د تګ راتګ په برخه کې له ځانګړي اهمیت څخه برخمنې دي او له هغو څخه باید شخصي ګټه وانخیستل شي. د یادونې وړ ده چې، د لسمې ناحیې اړوند د هوايي بلاکونو د سړک جوړولو دغه پروژه تېر کال د کابل ښاروالۍ له لوري د (۹۰۱) مترو په اوږدوالي او د (۱۹ او ۲۰) مترو په سور سره پیل شوې وه چې، تر اوسه یې (۹۸) سلنه چارې مخته تللې دي. دغه سړک د هوايي ډګر واټ له هوايي بلاکونو سره نښلوي چې، پلې لارې، ګلدانونه، لښتي او د اوبو زیرمې هم پکې شاملې دي او په دې وروستیو کې یې د کرښو اچولو چارې بشپړې شوې او په راتلونکې کې به یې د څراغونو نصبولو چارې هم ترسره شي