د دیارلسمې ناحیې اړوند له امید سبز ښارګوټي څخه تر عرفاني سړک( برچي سیمې) او پر دوام یې تر قلعه قاضي سیمې پورې د دوو نویو سړکونو دجوړولو پر وړاندې د خنډونو او استملاکي ملکیتونو د پاکولو او ویجاړولو چارې روانې دي ترڅو، د یادو سړکونو اساسي جوړولو ته زمینه برابره شي. د دغو سړکونو په اوږدو کې (۵۸۰) ملکیتونه تر استملاک لاندې دي چې، د استملاک قانون له مخې به یې مالکانو ته بدیل حقونه ورکړل شي. ټاکل شوې ده چې، له امید سبز ښارګوټي څخه تر عرفاني سړک پورې او پر دوام یې د (۱۱۴۶) مترو په اوږدوالي او د (۲۰) مترو په سور سره تر قلعه قاضي ( حلقوي سړک) پورې، د (۳۸۳۴) مترو په اوږدوالي او د (۴۵) مترو په سور سره د یادو سړکونو د جوړولو چارې تر راتلونکو اتلس میاشتو پورې په معیاري توګه بشپړې او ورسره جوخت به د کابل ښار د لوېدیځې برخې اقتصادې ودې ته زمینه برابره او ښاریانو ته به د تګ راتګ په برخه کې ګن شمېر آسانتیاوې رامنځته شي