د کابل ښاروالۍ د مسئولینو او د پنځلسمې ناحیې د اوسېدونکو په ګډون د هوايي ډګر شمال خواته د زرغون کمربند په سیمه کې د ونو خړوبولو حشر ترسره شو. د کابل ښاروالۍ د زرغونتیا ریاست مرستیال سراج الدین پټان په دې حشر کې له ګډونوالو څخه د مننې ترڅنګ وویل: د زرغونو سیمو او ونو د ساتلو مسئولیت یوازې د کابل ښاروالۍ د زرغونتیا ریاست مسئولیت نه دی؛ په دې برخه کې ټول ښاریان باید خپله ملي او اسلامي دنده ادا کړي. نوموړي زیاته کړه: د کابل ښاروالۍ د زرغونتیا ریاست د زرغونو سیمو د خړوبولو او پراختیا په برخه کې نه ستړې کېدونکې هڅې کوي خو د ښاریانو له مرستې پرته سخته ده چې، دوی خپل پلانونه په سمه توګه پلي کړي. ورته مهال د پنځلسمې ناحیې مرستیال مولوي سراج الدین د سیمې د اوسېدونکو په استازیتوب خبرې وکړې او ژمنه یې وکړه چې، د یادې ناحیې اړوند د ټولو زرغونو سیمو په ځانګړې توګه د قصبې سیمې (زرغون کمربند) د ونو خړوبولو په برخه کې به د ښاریانو او خصوصي سکټور په مرسته ګټورې کړنې ترسره کړي. د نوموړي په وینا زرغونې سیمې او ونې د انسان په ژوند کې ډېر مثبت رول لري