د کابل ښار د اقتصادي ودې او ښاریانو ته د ترانسپورتي آسانتیاوو رامنځته کولو په موخه، د کابل ښاروالۍ له لوري د اتمې ناحیې اړوند له بني حصار سیمې څخه د بګرامیو ترپله پورې د ۷۵۰۰ مترو په اوږدوالي او ۸ مترو په سور سره د نوي نښلوونکي سړک د جوړولو چارې روانې دي. دا سړک چې د کابل- لوګر سړک د بګرامیو له سړک سره نښلوي، له شیوه کي، رحمن مېنې، ګل بته سیمې او د کارته نو تپې ترڅنګ تیرېږي، او د ترافیکي بهیر د ویش او د سیمو د نښلولو په برخه کې ځانګړی ارزښت لري. دغه سړک به د لښتیو په ګډون له کانکرېټ څخه په بنسټيزه توګه د روان کال په بهیر کې جوړ شي. د یاد سړک په جوړېدو سره به له یوې خوا د سړک په اوږدو کې میشتو ښاریانو ته ګڼې آسانتیاوې رامنځته شي او له بل لوري به د کابل- لوګر سړک په ترافیکي بهیر کې د پام وړ کمښت راشي