د کابل ښاروالۍ له خوا اود ملګرو ملتونو د پروژوي خدمتونو د دفتر په مرسته، د شپږمې ناحیې په ۲۴م ګذر کې د (۹) کوڅو د کانکریټ کولو چارې په چټکۍ سره روانې دي او ټاکل شوې چې، په راتلونکو درېیو اونیو کې بشپړې او ګټې اخیستنې ته وسپارل شي. دغه پروژه په ټولیزه توګه (۹۱۳) متره اوږدوالی او له (۳ څخه تر ۵) مترو سور لري چې تر اوسه یې (۸۵) سلنه چارې مخته تللې دي. د دغو کوڅو په جوړېدو سره به د يادې سيمې د اوسېدونکو ستونزې هوارې او دوی ته به ټولنيزې او ښاري آسانتياوې رامنځته شي