د یوولسمې ناحیې اړوند، د ګذر اعظم په دویمه برخه کې د ۱۰کیلومتره په اوږدوالي سره د ۴۰سړکونو جوړولو چاري چې تیرکال د کابل ښاروالۍ پرمختیایی پروګرام له لاری یې د جوړیدو چاري پیل شوی وی، بشپړي او ګټي اخیستني ته وسپارل شول.
دغه سړکونه د ۱۰کیلومتره په اوږدوالي او په منځني ډول د ۶متره پلن والي سره دي چې د سړک غاړي لښتیو او د اوسپنیز کانکریټي پلونو رغول هم پکي شامل دي، د افغان بلدرز رغنیز شرکت له لوری یې چاري په مخ وړل کیږي او د کابل ښاروالۍ د څارني ټیمونو له خوا تل څارل کیږی ترڅو د رغولو چارو څخه یې ډاډ تر لاسه شي.
