د لسمې ناحیې د مسئولینو او ښاریانو په ګډون د یادې ناحیې د زرغونو سیمو او ونو د خړبولو په موخه حشر ترسره شو چې، په پایله کې یې د بېلابېلو سیمو ونې او زرغونې سیمې خړوب شوې. د لسمې ناحيې مرستيال قاري عبدالحي شه-ید زوى په دې اړه وويل: په دې حشر کې د دې ناحیې د علماوو، ګذروکيلانو او د ځوانانو شورا غړو برخه اخيستې وه او ژمنه يې وکړه، چې د خپلو ونو او زرغونو سیمو خړوبولو ته به پاملرنه کوي؛ ځکه د ونو او زرغونو سیمو ساتنه او خړوبول، یوازې د کابل ښاروالۍ د زرغونتیا ریاست مسئولیت نه دی، بلکې په دې برخه کې موږ ټول ګډ ټولنیز او ښاري مسئولیت لرو. ورته مهال د لسمې ناحیې د سیمه ییزو شوراګانو غړو ژمنه وکړه، چې د دې ناحیې زرغونې سیمې او ونې به په دوامداره توګه خړوبوي او ساتنه به یې کوي، ترڅو د یادې ناحیې زرغونې سیمې ښکلا او پراختیا ومومي