د کابل ښاروالۍ د کار، ساتنې او مراقبت ریاست له لوري د درېیمې او شپږمې ناحیې ترمنځ د پُل سوخته - پُل سرخ سړک په اوږدو کې د کابل سیند د پاسه د موټرو د تګ راتګ لپاره د یوه پله د جوړولو چارې روانې دي. دغه پلُ چې (۳۰) متره اوږدوالی او په دوه لینونونو کې (۲۰) متره سور لري د ډیزاین له مخې جوړېږي چې، چارې به یې د روان کال په بهیر کې بشپړې شي. په همدې توګه د یادو سیمو ترمنځ د (۹۰۰) مترو په اوږدوالي او (۳۰) مترو په سور سره د نښلوونکي سړک د جوړولو په اړه هم اقدام شوی چې، په جوړېدو سره به یې ښاریانو ته ګڼې ترانسپورتي او ټولنیزې آسانتیاوې رامنځته او د برچي عمومي سړک، کارته چهار(۳۰) متره سړک، د دواخانې ګولایي سړک او د کوټه سنګي څلورلارې په ترافیکي ګڼه ګوڼه کې به د پام وړ کمښت رامنځته شي