د کابل ښاروالۍ د کار، ساتنې او مراقبت ریاست له لوري د ښار په کچه د سړکونو د بیارغونې چارې روانې دي چې، اوس مهال د یاد ریاست کارکوونکي د لسمې ناحیې اړوند په شهرنو سیمه کې د سړکونو د زیانمنو برخو د بیارغونې په چارو بوخت دي. د دغو سړکونو ځینې برخې د وخت په تېرېدو سره زیانمنې شوې وې چې، تر تخنیکي او فني مطالعاتو وروسته لومړی د پرمختللې ماشینرۍ په وسیله بُرش او وروسته قیر کیږي. د یادونې وړ ده چې، دا کار د ملي شتمنیو او عامه تاسیساتو د ساتنې په برخه کې خورا ارزښتناک دی