د اوومې ناحیې اړوند د پډولې پروژې د عمومي سړک د جوړولو چارې چې، (۶۵۷) متره اوږدوالی او (۳۰) متره سور لري، د کابل ښاروالۍ له خوا روانې دي. د دغه سړک په جوړېدو سره به له یوې خوا د یادې سیمې د اوسیدونکو ستونزې هوارې شي او بل خوا به یاده پروژه اقتصادي وده وکړي. د کابل ښاروالۍ د برنامو او پروژو د تنظیم ریاست د معلوماتو له مخې، د سړک جوړولو په دې پروژه کې د لښتیو، پلولارو، د سړک منځ ګلدانونو او د یوه معیاري سړک د نورو جزئیاتو جوړول هم شامل دي چې، تر راتلونکو(۳) میاشتو پورې به په اساسي توګه بشپړه شي