د کابل ښاروالۍ د کار، ساتنې او مراقبت ریاست له لوري د پنځمې او دیارلسمې ناحیې اړوند د کمپنۍ- برچي سړک په اوږدو کې د (۲۰) مترو په اوږدوالي او په دوه لینونونو کې د (۲۰) مترو په سور سره د موټرو د تګ راتګ لپاره د یوه پله د جوړولو چارې د بشپړېدو په حال کې دي. د کار، ساتنې او مراقبت ریاست د مسئولینو په وینا؛ تر اوسه د یاد پله بنسټیزې او د لومړۍ طبقې فرش چارې په دوو کاري شفټونو کې (د شپې او ورځې) په ښه کیفیت ترسره شوې دي چې، ډېر ژر به یې قیر چارې هم ترسره او د ترافیکو پر مخ به پرانیستل شي. د دې پله په جوړېدو سره به د لوېدیځ زون د اوسېدونکو ګڼې ستونزې حل او د تګ راتګ په برخه کې به آسانتیاوې ورته رامنځته شي