د قلعه زمانخان له (۶۰) متره سړک څخه د حربي پوهنتون مخې ته ( د کابل – جلال آباد سړک)د قلعه شانان د نوي نښلونکي سړک د جوړولو چارې، د (۲۱۰۳) مترو په اوږدوالي او (۳۰) مترو په سور سره په چټکۍ روانې دي. د کابل ښاروالۍ د برنامو او پروژو د تنظیم ریاست د معلوماتو له مخې، د دغه سړک له یو کیلومتر څخه زیاته برخه قیر اچولو ته چمتو شوې او په ورته وخت کې د سړک په پاتې برخو کار روان دی، ترڅو قیر کولو ته چمتو شي. دغه راز د ياد سړک په اوږدو کې د (٨٥٠) مترو په اوږدوالي د يوه کانال او د (٦٠) مترو په اوږدوالي او د( ١٨،٤) مترو په سور د موترو د تګ راتګ په موخه، د يوه پله جوړول هم شامل دي. د یاد سړک او پله په بشپړیدو سره به، د کابل – جلال آباد پر سړک د ترافیکو ګڼه ګوڼه کمه او د ورڅېرمه سیمو اقتصادي ودې ته به زمینه برابره شي