د نهمې ناحیې اړوند د هوایي ډګر له څلورلارې څخه د کابل – جلال آباد سړک په اوږدو کې تر ګمرک پورې د نوي نښلوونکي سړک د جوړولو چارې په چټکۍ سره روانې دي. دغه مهم سړک به د (۲۷۹۴) مترو په اوږدوالي او (۶۰) مترو په سور سره، په دوه اصلي او دوه فرعي لیکو کې، د لښتیو، پلولارو، ګلدانونو، د با یسکل چلولو کرښو، تم ځایونو او د یوه معیاري سړک د ټولو برخو په ګډون تر راتلونکي یوه کال پورې جوړ شي. د یاد سړک په بشپړیدو سره چې د ختیځ زون اقتصادي دهلیز بلل کیږي، له یوې خوا به د عامې روغتیا څلورلارې، مکروریان او ور څېرمه سړکونو کې ترافیکي ګڼه ګوڼه کمه او له بلې خوا به د کابل ښار معیاري او دوامداره ودې ته زمینه برابره شي