د پنځمې ناحیې اړوند د ۳۶م ګذر د قمبر څلور لارې په سیمه کې د (۹۶۰) مترو په اوږدوالي او له (۴ څخه تر۷) مترو په سور د یو فرعي سړک او څلورو کوڅو د کانکریټ چارې چې، څه موده وړاندې د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته پیل شوې وې، ډېر ژر به بشپړې شي. دغه پروژه چې، د لښتیو او پلچکونو جوړول هم په کې شامل دي، له ښاري آسانتیاوو څخه د محرومو سیمو د اوسیدونکو د ستونزو د هواري او د کاري فرصتونو د رامنځته کولو په موخه، طرحه او پلې شوې ده