د ۱۷مې ناحیې اړوند د خیرخانې کوتل سړک د دویمې برخې د جوړولو او پراختیا چارې، د کوتل له سر څخه د مزار هډې په لوري د (۲۵۲۰) مترو په اوږدوالي او د (۶۰) مترو په سور سره په چټکۍ روانې دي. د سړک جوړولو په دې پروژه کې د لښتیو، پلولارو، بایسکل چلولو کرښو، ګلدانونو او تمځایونو جوړول، په سړک د کرښو اچول، د ترافیکي نښو او څراغونو نصبول او د یوه معیاري سړک نور جزئیات شامل دي، چې په روان کال کې به بشپړ او ګټې اخیستنې ته وسپارل شي. د دې سړک جوړول او پراختیا، د دوامدارې ودې، غوره ترانسپورتي زیربناوو ته د لاسرسي او د ترافیکي ستونزو د هوارولو په برخو کې ځانګړي اهمیت لري