د کابل ښاروالۍ له لوري او د ملګرو ملتونو د پروژوي خدمتونو د دفتر په مرسته، د (۸۰۰) مترو په اوږدوالي، د (۴.۵) او (۶) مترو په سور سره، د دولسمې ناحیې په ۳۲م ګذر کې د بت خاک کلي د فرعي سړک کانکرېټ چارې په چټکۍ سره روانې دي. د کابل ښاروالۍ د برنامو او پروژو د تنظیم ریاست د معلوماتو پر بنسټ، په دغه پروژه کې د لښتي جوړول هم شامل دي چې، تر دې دمه یې (۸۰) سلنه چارې مخته تللې دي او تر راتلونکې یوې میاشتې پورې به بشپړې شي. یاده پروژه د ښاریانو د ستونزو د حل او د کاري فرصتونو د رامنځته کولو په موخه پلې شوې ده چې، په بشپړېدو سره به یې ګڼې آسانتیاوې رامنځته شي