د ځمکې سر اوبو د مدیریت په موخه د کابل ښاروالۍ له خوا د پنځمې ناحیې اړوند د قرغې له فامیلیو څخه د قرغې تر ( آبریزه) سیمې پورې د یوه کانال د جوړولو چارې پیل شوې. د کابل ښاروالۍ د برنامو او پروژو د تنظیم ریاست د مسئولینو په وینا؛ دغه کانال (۴۹۰) متره اوږدوالی، (۱.۹) متره سور او (۱.۶) متره ژوروالی لري چې، چارې به یې د(۴) میاشتو په موده کې په بنسټیزه توګه بشپړې او ورسره جوخت به د اوبو دزیاتېدو له پلوه د ګاونډيو سيمو ستونزې په بشپړه توګه حل او د سړکونو د ژر ويجاړيدو مخه به هم ونيول شي