د درېیمې او شپږمې ناحیې اړوند له پُل سوخته څخه تر پُل سرخ پورې د ۹۱۰ مترو په اوږدوالي او د ۳۰ مترو په سور سره د نوي نښلوونکي سړک د جوړولو چارې روانې دي. ورته مهال د کابل ښاروالۍ د کار، ساتنې او مراقبت ریاست له لوري د یاد سړک په اوږدو کې د ډیزاین له مخې په دوه لینونو کې د ۳۰ مترو په اوږدوالي او د ۲۰ مترو په سور سره د یوه پله د جوړولو لومړنۍ چارې هم پیل شوې دي چې، په بشپړېدو سره به یې د برچي سړک، د کارته چهار ۳۰ متره سړک، د دواخانې ګولایي سړک او د کوټه سنګي څلورلارې ترافیکي بهیر کمښت ومومي او ښاریانو ته به ګڼ شمېر آسانتیاوې رامنځته شي